Make us your home page!  Add us to your bookmarks  Refer To Friend  [ beta v 1.3]
Paksmile.com
Home Music Photos Videos Games News & Gossips Reviews Computers Wallpapers
Site Channels
Home
Music
Photos
Videos
News & Gossips
Flash Games
Reviews
Movie Stills
Live Tv
Urdu Poetry
Tips & Tricks
Cricket
Computers
Lyrics
Wallpapers
Site Tools
About Us
Contact Us
Privacy Policy
DMCA Policy
Promote Us
Bookmark Us
Set as Homepage
 

Mohabbat Ki Tabiyat Main By Amjad Islam Amjad

  Poetry Home >> Amjad Islam Amjad >> Mohabbat Ki Tabiyat Main


 

mohabbat ki tabiyat main
ye kaisa bachpana qudarat ne rakha hai

k jitni purani jitni bhi mazbut ho jaye
ise taid-e-taza ki zarurat phir bhi rahti hai
yaqin ki aKhiri had tak dilon main lahlahati ho
nigahon se tapakti ho lahu main jagmagati ho
hazaron tarah se dilkash hasin hale banati ho
use izhar k lafzon ki hajat phir bhi rahti hai

mohabbat mangati hai yun gavahi apane hone ki
k jaise tifl-e-sada sham ko ik bij boye
aur shab main baura uthe
zamin ko khod kar dekhe
k paudha ab kahan tak hai

mohabbat ki tabiyat main ajab takrar ki Khu hai
k ye iqrar k lafzon ko sunane se nahi thakati
bicharne ki ghari ho ya koi milane ki sa'at ho
ise bas ek hi dhun hai
kaho mujh se mohabbat hai
kaho mujh se mohabbat hai

kuch aisi besakuni hai vafa ki sarzaminon main
k jo ahal-e-mohabbat ko sada bechain rakhti hai
k jaise phul main Khsuhbu k jaise hath main tara
k jaise sham ka tara
mohabbat karne valon ki sahar raton main rahti hai
gumanam k shakhchon main ashiyan banata hai ulfat ka
ye ain visal main bhi hijr k khadshon main rahti hai

mohabbat k musafir zindagi jab kat chukte hain
thakan ki karachiyan chunte vafa ki ajarakn pahne
samay ki rahguzar ki aKhiri sarhad pe rukte hain
to koi dubati sanson ki dori tham kr
dhire se kahta hai
k ye sach hai na
hamari zindagi ik dusare k nam likhi thi
dhundhalaka sa jo ankhon k qarib-o-dur phaila hai
isi ka nam chahat hai
tumhen mujh se mohabbat thi
tumhen mujh se mohabbat hai

mohabbat ki tabiyat main
ye kaisa bachpana qudarat ne rakkha hai

 


 

 
 
 
 
About Us   |   Contact us  |  Promote Us  |  Privacy Policy  |  DMCA Policy   |   Bookmark Us   |   Set As Homepage   |   Sitemap , HTML , URL List

eXTReMe Tracker
Copyright © 2016 PakSmile.com All Rights Reserved.